LIRIK LAGU MINANG PADANG SUMBAR: May 2015

Jambatan Basi

LIRIK LAGU MINANG PADANG SUMATERA BARAT

Jambatan basi Subarang Padang
Iyo nak pai ka Taluak Bayua
Usah manyangko denai banyanyi dek hati riang
Dendang parintang, dendang parintang hati nan rusuah

Bukik Putuih tanahnyo lereang
Basimpang jalan nak ka Pampangan
Di dalam angguak, di dalam angguak adiak manggeleang
Denai bakcando, bakcando biduak hilang haluan

LIRIK LAGU MINANG PADANG SUMATERA BARAT

Ayam nyo kuriak lantak nyo basi
Disabuang anak rang Koto Tuo
Barilah maaf ambo banyanyi
Sabab basalo tuo jo mudo

Ahai si jambu merah namo lagunyo
Ahai si jambu merah kami dendangkan

Limau nyo manih nan dari Baso
Pucuak nan kambang, kambang nyo kucuik
Ambo nan ketek alun biaso
Ilmu nan balun sabalah rambuik

LIRIK LAGU MINANG PADANG SUMATERA BARAT

Gadang gadang kayu di rimbo
Nan sikaduduak danguang badanguang
Kadang nyo kadang, kadang nyo kadang hati taibo …
Dimano duduak, dimano duduak sinan bamanuang
Endong-endong namo lagunyo, dimano duduak sinan bamanuang

Pilin bapilin aka nyo rotan
Malilik batang si kayu jadi
Basabab kampuang, basabab kampuang ambo tinggakan …
Dek bansaik diri, dek bansaik diri sanak pun banci
Endong-endong namo lagunyo, dek bansaik diri sanak pun banci

LIRIK LAGU MINANG PADANG SUMATERA BARAT

Buai babuai buaian buluah, agiah batali si aka rotan
Buai babuai buaian buluah, agiah batali si aka rotan
Kami banyanyi parintang rusuah (kanduang)
Takana sanak di parantauan
Kami banyanyi parintang rusuah (kanduang)
Takana sanak di parantauan

Reff:

Buai babuai si rotan batu, dibuai anak urang Kinali
Buai babuai si rotan batu, dibuai anak urang Kinali
Jikok taragak pulanglah dulu (sanak)
Kampuang nan tingga rindu mananti
Jikok taragak pulanglah dulu (sanak)
Kampuang nan tingga rindu mananti

LIRIK LAGU MINANG PADANG SUMATERA BARAT

Dari Sasak ka Aia Bangih
Nak manyubarang di ombak gadang (ondeh lah sansai)
Yo di ombak gadang …

Dari Sasak ka Aia Bangih
Nak manyubarang di ombak gadang (ondeh lah sansai)
Yo di ombak gadang …

Di dalam galak, di dalam galak timbua lah tangih
Badan ko bak raso (ondeh lah sansai)
Badan bak raso si bayang-bayang …

LIRIK LAGU MINANG PADANG SUMATERA BARAT

Kelok Sambilan kami dendangkan
Dendang rang Ranah Limo Puluah

Lapeh nan dari Lubuak Bangku
Handak manjalang Kelok Sambilan
Manurun jalan ka Manggilang …
Untuang sanak yo nan alah tantu
Untuang kami baa kok garan
Antahnyo dima ka manompang …

Iyo baringin di laman surau
Pautan ayam yo taduang gombak
Yo hati ingin manjalang pulang
Basampan lai pandayuang tido (ndeh …)

LIRIK LAGU MINANG PADANG SUMATERA BARAT

Disulam sari sarato jubah
Jubah diguntiang dek anak rajo
Ondeh kanduang oi, ondeh sanak oi …
Di dalam tari kami manyambah
Sambah tairiang nan jo carano
Ondeh kanduang oi, ondeh sanak oi …

Yoo, Tuanku Basa, basa batuah, kanduang
Himpunan puji tumpuan sambah
Jaweklah salam sarato sambah
Sambah nan datang yo dari bawah

LIRIK LAGU MINANG PADANG SUMATERA BARAT

Nan lah tarang, nan lah tarang yo lah candonyo hari
Nan lah tampak cahyonyo bintang
Nan lah tampak cahyonyo bintang
Iyo iyo lah rang mudo oi

Nan lah sanang, nan lah sanang yo lah candonyo hati
Lai tampak pulo ka parintang
Lai tampak pulo ka parintang
Iyo iyo lah rang mudo oi

LIRIK LAGU MINANG PADANG SUMATERA BARAT

Rang Minang baralek gadang
Tagaklah alam jo marawa
Digayuikkan aguang nan gadang
Bunyinyo si ranah kampuang

Adang babunyi di udaro …
Adang babunyi di lautan …
Adang babunyi di udaro …
Adang babunyi di lautan …

LIRIK LAGU MINANG PADANG SUMATERA BARAT

Bukannyo tabek sumbarang tabek (ondeh tuan oi)
Tabek banamo si tabek gadang (ondeh kanduang oi)
Bukannyo alek sumbarang alek
Alek banamo alek gadang

Tagak lah alam jo marawa (ondeh tuan oi)
Tando pusako didirikan (ondeh kanduang oi)
Aguang tagantuang alah digua
Pupuik sarunai maramikan

LIRIK LAGU MINANG PADANG SUMATERA BARAT

[bagian pertama]

Sapuluah jari nan kami susun
Ampun jo maaf ka urang banyak
Aka kurang pandapek balun
Manggigia badan dibaok tagak – 2x

Antahnyo gawa nan sakutiko
Lupo manaruah nan katinggalan
Tingga nan indak disangajo
Iyo nak mintak dimaafkan – 2x

LIRIK LAGU MINANG PADANG SUMATERA BARAT

Bamulo di hari nan dahulu
Tatkalo insan ka tajadi
Tatkalo nyao ka batamu

Dari sahari ka sahari
Dari sabulan ka sabulan
Sambilan bulan sapuluah hari

Lahialah anak ka dunia
Diliek jinih parampuan
Gadang lah hati apak mandeh

LIRIK LAGU MINANG PADANG SUMATERA BARAT

Hei … bagaluik karambia jo kukuran
Badanta-danta si batu lado
Apo garanga nan kajadian
Ayam didabiah pakan di muko

Hei … lah heboh urang di dapua
Kambiang lah rabah ayam bakeok
Kalam takengeang badan jo kasua
Saperai rancak nan ka maraok

LIRIK LAGU MINANG PADANG SUMATERA BARAT

Dek capek putaran hari
Pagi baganti dengan patang
Siang batuka dengan malam
Tibo lah hari nan dinanti
Urang manjapuik marapulai

Dari lah jauah kami lah datang
Datang bajalan jo langkah gontai
Jo langkah gontai …
Yo jo langkah gontai … – 3x

LIRIK LAGU MINANG PADANG SUMATERA BARAT

Dek pintak lah di nan bana
Lah taracak di undang tasungkuik di limbago
Sasuai jo janji nan dikarang sarato padan nan diukua
Tinggo hanyo lai manapati

Tapi sungguahpun baitu
Sakali mambukak puro, duo tigo utang tabaia
Sakali marangkuah dayuang, duo tigo pulau talampau

Iyo juo manuruik adaik Minangkabau
Ketek banamo gadang bagala
Sia ko gala marapulai?

LIRIK LAGU MINANG PADANG SUMATERA BARAT

Ka bukik lah dapek angin
Ka lurah lah dapek aia
Kok pintak alah dibari
Kok kandak alah balaku

Mako sakarang kini nangko
Kami bao marapulai jo pangiriangnyo
Mintak dilapeh jo hati nan suci, muko nan janiah

LIRIK LAGU MINANG PADANG SUMATERA BARAT

Lamo lambek di jalan
Jauah basarang dakek juo
Kini lah tibo hanyo lai
Iyo di rumah anak daro

Nan dinanti kini iyo lah tibo
Nan dinanti datang jo pangiriangnyo
Sanang hati sajuak lah kiro-kiro

Reff:

LIRIK LAGU MINANG PADANG SUMATERA BARAT

Kok nan dijapuik alah tabao
Nan dianta alah tibo
Rancak di mato nak maliek
Rancak di talingo nak mandanga

Iyo juo kami mintak kapado
Silang nan bapangka karajo nan bapokok
Anak daro jo marapulai nak mintak dipasandiangkan

LIRIK LAGU MINANG PADANG SUMATERA BARAT

Kok hati nan diambiak paarih
Mato nan diambiak paliek
Kok mangkuak alah tasusun
Edaran alah talatak

Iyo kami silang nan bapangka, karajo nan bapokok
Nak mintak disantap, sakian bana pado Sutan

Tahidang samba nan jo nasi
Tasusun piriang nan jo cawan
Apo juo lai nan dinanti
Basuah tangan marilah makan

LIRIK LAGU MINANG PADANG SUMATERA BARAT

Kok makan alah samparono kanyang
Minum alah samparono sajuak
Bajalan lah sampai ka bateh
Kok bajalan balayia lah sampai ka pulau

Namun samantang pun baitu
Makan minum raso di paruik
Talingo jo apo disanangkan?

LIRIK LAGU MINANG PADANG SUMATERA BARAT

Panek lah pandan manjulai sajo
Angku kadi basaruang kain
Panek lah badan manggemai sajo
Uda bajadi jo urang lain
Panek lah badan manggemai sajo
Uda bajadi jo urang lain

Lala lala lalala …, lala lala lala lalala …
Lala lala lalala …, lala lala lala lalala …

Ujan lah labek langik bakabuik
Anak lah gagak babondong lalo
Urang baralek awak mancagun
Awak baragah urang lah dulu
Urang baralek awak mancagun
Awak baragah urang lah dulu

LIRIK LAGU MINANG PADANG SUMATERA BARAT

Lambah Harau yo si Lambah Harau
Sumarak alam yo sajak dulunyo
Eten di Luhak si Limopuluah
Luhak Nan Bungsu yo urang namokan

Lambah Harau yo si Lambah Harau
Dilingkuang bukik yo bukik batu
Aia mancua malereng bukik
Manyibak ambun yo suok jo kida

LIRIK LAGU MINANG PADANG SUMATERA BARAT

Usah ditanam si dalu-dalu
Jikok ka patah si dahan jati
Usah dikana maso nan lalu
Kok nyo ka marasah yo di dalam hati
Usah dikana maso nan lalu
Kok nyo ka marasah yo di dalam hati

Randam palakaik di sanjo hari
Nak jan nyo lapuak jadikan amban
Dandam kasumaik kito hindari
Nak jan nyo jauah kawan, handai jo tolan
Dandam kasumaik kito hindari
Nak jan nyo jauah kawan, handai jo tolan

LIRIK LAGU MINANG PADANG SUMATERA BARAT

Aliah arahnyo yo lah ka parahu
Lah karang sajo yo nan di haluannyo
Kasiah bakisa kami ndak tahu
Lah ranggang sajo, ondeh yo …, ondeh kasudahannyo
Kasiah bakisa kami ndak tahu
Lah ranggang sajo, ondeh yo …, ondeh kasudahannyo …

Patenggangkan yo lah yo patenggangkan …
Patenggangkan yo lah yo patenggangkan …

LIRIK LAGU MINANG PADANG SUMATERA BARAT

Mari kito ka ladang
Ka ladang ambiak kamiri
Mari kito badendang
Badendang sambia manari

Babiduak ka Pulau Pandan
Baranang yo ka subarang
Lenggang lenggokkan badan
Sairiang jo bunyi gandang

LIRIK LAGU MINANG PADANG SUMATERA BARAT

Hujen ghintiak-ghintiak
Lauak masiak dalam talago
Pacah paghang nagaghi bakiak
Ughang pulang batimpo-timpo

Hujen ghintiak-ghintiak
Lauak masiak dalam talago
Pacah paghang nagaghi bakiak
Ughang pulang batimpo-timpo

LIRIK LAGU MINANG PADANG SUMATERA BARAT

Ba indang urang di Padang Kajai
Rami dek anak rang Lapau Duku
Pantun nan babayang kato sampai
Maaf dipintak yo tantang itu

Alah, yo lak ilah dunsanak oi
Indang nan paubek hati risau

Mauluik urang di surau ipuah
Badikia sampai nan patang hari
Dek bansaik mangko urang tak acuah
Tasisiah iduik nan di nagari

LIRIK LAGU MINANG PADANG SUMATERA BARAT

Apo lah ka dayo si buruang balam – 2x
Sayok nan patah taraok ka dalam karan – 2x
Sanak lah bapadi saribu anam – 2x
Denai lah bapaneh maharok ujuang paranginan – 2x

Saba lah saba … si bayang serai
Hari lah laruik ondeh mak di tangah malam – 2x
Kok ado kato nan lah tagajai
Saketek usah ondeh mak manjadi dandam – 2x

LIRIK LAGU MINANG PADANG SUMATERA BARAT

O risaulai …
Aia Bangih kapa balayia
Balayia taruih ka Tiagan
Sarek muatan buah palo
Adiak nan manih cubolah pikia
Sudah baiyo baindakkan (ndeh …)
Tangguanglah doso salamonyo (gajai …)

Hei …, gajai … tangguanglah doso salamonyo …

Dari lah Bunguih ka Batang Kapeh
Taruihlah jalan ka Pasa Kambang, o ka Pasa Kambang
Kaia lah putuih ikan lah lapeh
Ikan lah masuak ka pukek urang, o ka pukek urang

LIRIK LAGU MINANG PADANG SUMATERA BARAT

Anak lah bakiak di tangah lah sawah – 2x
Tabang lah punai ka dalam padi – 2x
Kambang lah lapiak disapu lah rimah – 2x
Indang dimulai lah hanyo lai – 2x

Sabalun indang, indang ka dimulai
Kami susun, yo susun sapuluah jari
Kalau lah ado kato nan tagajai
Maaf dipintak, yo ampunkan kami

Reff:

LIRIK LAGU MINANG PADANG SUMATERA BARAT

Kato Rajo (ondeh kanduang) kato malimpah
Kato Nan Alim (oi kanduang) kato hakiki
Kok Hulubalang (oi kanduang) kato manggaga
Duo sarupo (oi sanak) yo kato Manti

Parik paga (ondeh kanduang) paga nan rapek
Jikok Pangulu (oi sanak) lantai nagari
Kok tapijak (kok tapijak) pantang manjongkek
Ungkai lah tantu (oi sanak) manahan uji

LIRIK LAGU MINANG PADANG SUMATERA BARAT

Bukiktinggi nak taruih ka Baso – 2x
Ka Payokumbuah … hari lah sanjo – 2x
Hutang ameh tantu lah biaso – 2x
Basangkuik budi … susah balehnyo – 2x

Sutan Sati … yo babaju lakan – 2x
Pai ka balai … naiak lah kudo – 2x
Pangkek tinggi … yo ajuangnyo badan – 2x
Indak babudi … urang tak sangko – 2x

LIRIK LAGU MINANG PADANG SUMATERA BARAT

Tarantang tali hei, si juek-juek hei
Urang mangaro oi kanduang di tangah sawah
Mukasuik hati hei, kok indak dapek hei
Baitu bana oi roda sadang di bawah

Alah di kanduang si dorak dorai
Dek lamo iduik banyak di rasai -2x

LIRIK LAGU MINANG PADANG SUMATERA BARAT

Lai didanga Indang Talago – 2x
Lagu dibaok, lagu dibaok anak Rang Padang – 2x
Raso ka rangkah tulang di dado – 2x
Mandanga sanak, mandanga sanak maimbau pulang – 2x

Takana alek urang nagari – 2x
Siko badarai, siko badarai si aia mato – 2x
Kok sanak tau nasib den kini – 2x
Sahari makan, sahari makan sahari tido – 2x

LIRIK LAGU MINANG PADANG SUMATERA BARAT

Kota Tinggi Kubang Malambah
Padi ditumbuak ka luluah juo
Putuih hati yo dek taragak
Antah pabilo ka basuo

Putuih hati yo dek taragak – 2x
Antah pabilo ka basuo …
Yo ka basuo

Pilinlah banang tujuah ragam
Ambuih sampelong malam hari
Adiak takana siang malam
Raso ramuak si jantuang hati

LIRIK LAGU MINANG PADANG SUMATERA BARAT

Urang Kurinci nak pai yo ka Taniai
Singgah dahulu (alah disayang ae) yo di Sandaran Aguang
(alah disayang ae) yo di Sandaran Aguang

Yo sabana sakik rasonyo kasiah tak sampai
Badan lah kuruih (alah disayang ae) dek acok bamanuang
(alah disayang ae) dek acok bamanuang

Korunda lah Tinggi kaduo jo Tanah Kampuang
Di Kurinci juo (alah disayang ae) talatak pakannyo
(alah disayang ae) talatak pakannyo

LIRIK LAGU MINANG PADANG SUMATERA BARAT

Daripado lapuak taindik dalam guluang
Elok dipakai, dipakai jadi salendang
Jikok lah sulik oi iduik tingga di kampuang, hei …
Bialah untuang dibaok ka rantau urang

Alah kok kini uda pikia-pikia bana
Tinggakan kampuang yo kampuang nan jo nagari
Indak kok ibo yo uda denai ka tingga
Bilo masonyo yo uda ka pulang lai

LIRIK LAGU MINANG PADANG SUMATERA BARAT

Di Kayu Tanam aleknyo rami
Rami dek anak nan mudo-mudo – 2x
Lain caronyo nak bujang kini
Alun disapo tagalak surang – 2x

Tinggi batangnyo, batang kuini
Jatuah dijuluak dibaok pulang – 2x
Baitu pulo nak gadih kini
Alun disapo tagalak surang – 2x

LIRIK LAGU MINANG PADANG SUMATERA BARAT

Sirambang Ilia yo kanduang jalan mandaki
Ka kida jalan lai kanduang ka kampuang ambo
Kok pulang sanak oi kanduang caliaklah kami
Lah lamo badan oi kanduang indak basuo – 2x

Lah lamo bana rapa’i indak basidak
Tak nyariang lai yo kanduang bunyi di tangan
Lah lamo bana o badan yo dek taragak
Pabilo sanak oi kanduang pulang bajalan – 2x

LIRIK LAGU MINANG PADANG SUMATERA BARAT

Sungai Panuah jo Nagari Lintau
Tapek anak dagang yo nan dari Indopuro – 2x
Jikok buyuang nak pai marantau
Bundo nan di kampuang, dilupo usah dilupo – 2x

Manurun jalan nak ka Kurinci
Pasa lah Baringin nan sudah yo baru sudah – 2x
Kok di rantau jan lah lupo diri
Lauik nyo nan sati oi buyuang rantau batuah – 2x

LIRIK LAGU MINANG PADANG SUMATERA BARAT

Piaman Laweh oi kanduang urang mamukek
Basimpang jalan ei kanduang di Kampuang Cino – 2x
Kok di Piaman kini ko indak lah ka sasek
Satiok jalan kini ko alah banamo – 2x

Rami lah urang oi kanduang di bulan tabuik
Satiok bulan Muharram diadokannyo – 2x
Jikok Piaman ndeh kanduang nan ka disabuik
Bakcando urang kini lah batambah mudo – 2x

LIRIK LAGU MINANG PADANG SUMATERA BARAT

Lah duo jerong ndeh indang batuka tampek (o kanduang)
Cukuik katigo yo hari lah laruik malam – 2x
Lah duo tigo yo lagu dendang hikayaik (o kanduang)
Sakali nangko oi sanak balain ragam – 2x

Ampun jo maaf oi kanduang nan kami pintak
Kami baindang oi kanduang basamo gadang

Dendang jo lagu dibaok dek tukang dikia (o kanduang)
Tingkah rapa’i dituka dek tukang aliah – 2x
Sungguahpun bayang yo mamak buliah bapikia (o kanduang)
Kato nan bana supakaik dicari buliah – 2x

LIRIK LAGU MINANG PADANG SUMATERA BARAT

Iyo manih raso tangguli, oi kanduang
Baitu juo yo sanak raso nyo gulo … oi
Baitu juo yo sanak raso nyo gulo …

Hiduik kito di ateh dunia, oi kanduang
Sakik jo sanang yo sanak tantu diraso … oi
Sakik jo sanang yo sanak tantu diraso …

Usahlah hiduik bakcando pinang sabatang

LIRIK LAGU MINANG PADANG SUMATERA BARAT

Patuik lah ayam bahati pilu
Samulo indak tapikiri
Alah manateh mangko nyo tau
Talua itiak oi nan taarami …

Itiak lah pai masuak aia
Dihimbau indak basahuti
Parau suaro yo dek mamanggia
Itiak nan indak acuah lai …

LIRIK LAGU MINANG PADANG SUMATERA BARAT

Sajak biduak ondeh kanduang ei, patah kamudi … (ndeh mak)
Indak mungkin ka lauik lai – 2x
Sajak adiak ondeh kanduang ei, mungkia jo janji … (ndeh mak)
Indak den arok-arok lai – 2x

Ilalah tolong yo tolonglah patenggangkan …
Ilalah sansai yo lah sansai badan denai …

Jikok masak ondeh kanduang ei, rambai nan manih … (ndeh mak)
Indak mungkin ka mudo lai – 2x
Jikok anggak adiak jo denai, untuang lah habih … (ndeh mak)
Indak den jalang-jalang lai – 2x

LIRIK LAGU MINANG PADANG SUMATERA BARAT

Balari balam oi kanduang di dalam padi
Urang manyamai oi kanduang bulan puaso
Habih lah sampan oi uda ganti jo upiah
Namun nyo pulau oi uda dihadang juo
Habih lah sampan oi uda ganti jo upiah
Namun nyo pulau oi uda dihadang juo

Kambang satangkai oi kanduang si bungo rayo
Dilingkuang batang oi kanduang si puluik-puluik
Galombang gadang oi uda badai pun tibo
Pantang lah denai oi uda babaliak suruik
Galombang gadang oi uda badai pun tibo
Pantang lah denai oi uda babaliak suruik

LIRIK LAGU MINANG PADANG SUMATERA BARAT

Balayia biduak ndeh kanduang nan dari rantau
Mahadang Bunguih ndeh kanduang nan kaduonyo
Saguluang daun … nan jo timbakau …
Mahadang anguih ndeh kanduang nan kaduonyo
Saguluang daun … nan jo timbakau …
Mahadang anguih ndeh kanduang nan kaduonyo

Ilia lah Nata ondeh kanduang mudiak Batahan
Hanyuik lah bamban ondeh kanduang yo jo ureknyo
Paruik nan lapa buliah ditahan
Hati nan rindu ondeh kanduang mambaok seso
Paruik nan lapa buliah ditahan
Hati nan rindu ondeh kanduang mambaok seso

LIRIK LAGU MINANG PADANG SUMATERA BARAT

Indak talabiah yo takurang, yo sanak ei …
Lai sasuai jo papatah, yo kanduang ei
Kalau sakali aia gadang, yo mamak hei …
Nan sakali tapian pindah
Kalau sakali aia gadang, yo mamak hei …
Nan sakali tapian pindah

Parubahan alam ditaasia, yo sanak ei …
Ado baiak ado nan salah, yo kanduang ei
Ado cancang manjadi ukia, yo mamak hei …
Ado ratak mambao pacah
Ado cancang manjadi ukia, yo mamak hei …
Ado ratak mambao pacah

LIRIK LAGU MINANG PADANG SUMATERA BARAT

Lai dipandang awan bararak
Dibaok angin ka baraik dayo
Lai dipandang awan bararak
Dibaok angin ka baraik dayo

Lain di urang lain di awak
Sanak yo banyak ndeh kanduang tampek baiyo
Lain di urang lain di awak
Sanak yo banyak ndeh kanduang tampek baiyo

Sansai lah kami ko, sansai ka baa juo
Sansai lah kami ko, sansai ka baa juo

LIRIK LAGU MINANG PADANG SUMATERA BARAT

Sinangi lah lauak Rang Tiku, yo niang …
Nan diatua jo ujuang pandan … – 2x
Manangih lah tagak di pintu, yo niang …
Malapeh urang ka bajalan … – 2x

Manangih lah tagak di, o pintu yanggo onggo oi
Malapeh urang ka ba, o jalan yanggo onggo oi
Malapeh urang ka bajalan …

LIRIK LAGU MINANG PADANG SUMATERA BARAT

Kampuang Cino o batu barajuik
Kambang bungo si sari bulan
Sadang paguno denai bajapuik
Kok indak haram baacuahkan
Sadang paguno denai bajapuik
Kok indak haram baacuahkan

Reff:

Oi sanak …
Kok cadiak usah mambuang kawan
Kok gapuak usah mambuang lamak
Cando papatah urang nan tuo …

LIRIK LAGU MINANG PADANG SUMATERA BARAT

Pantai Kata oi di Pariaman, sayang
Pantai Arta di Sungai Limau tampeknyo
Pantai Kata oi di Pariaman, sayang
Pantai Arta di Sungai Limau tampeknyo

Mari santai basamo jo kawan-kawan, sayang
Hari perai oi raun kito basamo
Mari santai basamo jo kawan-kawan, sayang
Hari perai oi raun kito basamo

LIRIK LAGU MINANG PADANG SUMATERA BARAT

Jo Pudin nak urang Jambatan Latiang
Badikia, lagu e yo lara oi
Indang dimulai hanyo lai – 2x

Santano batumpu di nan gantiang
Usah diloro banang lah sahalai
Eloklah dipilin buhua mati – 2x

LIRIK LAGU MINANG PADANG SUMATERA BARAT

Aia Bangih karang marusuak, karang marusuak – 2x
Urang Tiagan balayia malam – 2x
Hati bangih dapek dipujuak, dapek dipujuak – 2x
Sadu jo sadan ramuak di dalam – 2x

Lah balayia biduak Rang Masang, biduak Rang Masang – 2x
Sarek bamuek jo rotan sago – 2x
Tak ka sia tampek batenggang, tampek batenggang – 2x
Badan nan malang manyeso sajo – 2x

LIRIK LAGU MINANG PADANG SUMATERA BARAT

Mari kawan oi mari malah
Kito bamain galah
Bakaja-kaja ambek-ambek an
Balari bagarah-garah

Ambeklah suok kida
Jago muko balakang
Kok dapek tantu malah
Kito nan manang

LIRIK LAGU MINANG PADANG SUMATERA BARAT

Mande sayang
Balikan sapeda mini
Taragak bak cando urang
Nak raun di patang ari

Santi sayang
Cameh mande indak tabado
Basapeda di labuah gadang
Oto banyak lalu lalang

LIRIK LAGU MINANG PADANG SUMATERA BARAT

Mak ado tamu
Sajak tadi nyo manokok pintu
Mak ado tamu
Tamunyo urang awak juo

Mak ado tamu

LIRIK LAGU MINANG PADANG SUMATERA BARAT

Ambo punyo kuciang
Si Pus lah namonyo
Si Pus bulunyo kuniang
Panjang lah ikuanyo
Pus … meong 2x

Si Pus maluncua di banda
Pancak lah bulunyo
Sayang oi sayang disayang
Buruak parangainyo

LIRIK LAGU MINANG PADANG SUMATERA BARAT

Basamo-samo
Naiak bendi ka pasa
Duduak di muko
Ati den sanang bana

Bendi den tompang
Lari kudonyo kancang
Nang enang enang enang
Lonceang bendi badantang

LIRIK LAGU MINANG PADANG SUMATERA BARAT

Di kaki bukik
Sawah tabantang
Angin babisiak
Sungai banyanyi

Kami bamain
Ateh pamatang
Ayah jo bundo
Batanam padi

LIRIK LAGU MINANG PADANG SUMATERA BARAT

Ta..ta..tah, Ta..ta. tah
Ta tah adiak den ta tah
Bapacik arek-arek diak
Hati hati malangkah

Ta..ta..tah, Ta..ta. tah
Usah taburu buru
Jikok adiaklah panek diak
Baranti malah daulu

LIRIK LAGU MINANG PADANG SUMATERA BARAT

Si leki itu namo anak anjiang mak itam
Si leki bulunyo hitam putiah balang-balang
Si leki inyo suko manggaduah anak ayam
Nan sadang asik mancari makan

Tampak dek induak ayam si leki dicotoknyo
Si leki kasakitan mangadu ka induaknyo
Tampak dek induak ayam si leki dicotoknyo
Si leki kasakitan mangadu ka induaknyo

LIRIK LAGU MINANG PADANG SUMATERA BARAT

Anak urang Sabu Andaleh, yo mamak oi
Singgah karumah si Sutan Mudo, si Sutan Mudo
Singgah karumah si Sutan Mudo, si Sutan Mudo

Bia abih oi bialah tandeh, yo tuan ei
Hati den kanai kabaa juo, kabaa juo
Hati den kanai kabaa juo, kabaa juo

LIRIK LAGU MINANG PADANG SUMATERA BARAT

Tambilang tanti batanti – 2x
Satanti ambiak panaruko
Panaruko sawah di Kajai – 2x

Nan hilang dapek diganti – 2x
Diganti indak ka sarupo
Sarupo indak saparangai – 2x

LIRIK LAGU MINANG PADANG SUMATERA BARAT

Ampek Angkek parang jo Lintau
Parang jo anak Rajo Cino
Ubek lakek pantang talampau
Patuik maulang sakik lamo

Ondeh sabana malang badan
Rabab tolong dendangkan
Ondeh sabana malang badan
Saluang tolong sampaikan

LIRIK LAGU MINANG PADANG SUMATERA BARAT

Ondeh …, pagi-pagi yo pai ka pakan
Balikan denai kain baju …
Sampai hati lah ayah bajalan
Tinggakan denai lah ketek baru
Lah ratok tangih lah Bayang Salido …

Ondeh …, Bukik Canduang lah balai rabaa
Pautan kudo balang tigo …
Ayah kanduang pulanglah baa
Badan lah kuruih dek bacinto
Dangalah ratok tangih lah Bayang Salido …

LIRIK LAGU MINANG PADANG SUMATERA BARAT

Nak rang Solok mak ambiak cangkeh
Cangkeh di lereang pandakian
Hari elok musim lah lapeh
Pobilo sayang disampaikan ko mak …

Sansai den di nyo ondeh mak, ko den di nyo …

Baduo kami mandendangkan
Solok bacangkeh ko lagunyo
Asa lai sayang basampaikan
Lambek lamo den nanti juo ko mak …

LIRIK LAGU MINANG PADANG SUMATERA BARAT

Darah di dado lah tasirok
Angok nan sayuik-sayuik sampai
Raso ka putuih tali nyao …
Tasintak denai dalam lalok
Nan tahampeh tangan ka lantai
Nan bak raso jo kanduang juo mak …

Hari sanjo di Padang Gaduik mak
Di sinan urang pai baburu
Manangih denai dalam salimuik
Sia lah urang mungkin tau mak …

LIRIK LAGU MINANG PADANG SUMATERA BARAT

Janiah aianyo diak talago biru tam
Tampek nak mudo lah tuan lai lah mandi-mandi – 2x
Tolong sampaikan
Alang lah sarik diak manangguang rindu tam
Manangguang seso lah tuan lai lah dalam hati – 2x
Tolong sampaikan

Oi nan lah masak mak padi sipuluik diak
Jatuah badarai lah randah hai lah ka ureknyo – 2x
Tolong sampaikan
Kasiah lah lamo diak oi sangkuik pauik tam
Di tuan dima lah tuan hai lah talataknyo – 2x
Tolong sampaikan

LIRIK LAGU MINANG PADANG SUMATERA BARAT

Rumah Gadang di Bukiktinggi
Nan di lamannyo tatagak lumbuang (ohoi)
Alah tasabuik sajak dulunyo
Yo badatak bana di dalam hati
Taraso niaik indak ka lansuang (ohoi)
Tagak dek adiak nan kareh juo

Jikok lah indak yo rakena karano murai
Indak lah bondo yo rakena mambuek sarang (oi)
Kok indak uda nan dulunyo yo nan mamulai
Indak lah denai ondeh uda ka mabuak surang

LIRIK LAGU MINANG PADANG SUMATERA BARAT

Nan Singgalang tadanga runtuah
Urang babaliak sahinggo jalan – 2x
Dimalah hati indak ka rusuah
Mandeh mati bapak bajalan – 2x

Reff:

Singgalang jaya … namo lagunyo …
Singgalang jaya … ambo dendangkan …

LIRIK LAGU MINANG PADANG SUMATERA BARAT

Hei … badendang anak Rang Andaleh …
Iriangan saluang pakuak limo
Disangko tapuak lai babaleh
Ambo dirintang angin sarugo … hai …

Hei … Urang Ampang pai ka balai …
Mambali cita di pagi hari
Kasiah jo sayang indak ka sampai
Adiak nan condong ka nan lain …

LIRIK LAGU MINANG PADANG SUMATERA BARAT

Ondeh … lah talambek bangkik jadinyo
Lah talambek bangkik jadinyo …

Rami urang di Batu Taba lai sanak oi
Rami dek urang pai mandi lai sanak oi
Rami dek urang pai mandi …
Nan dek ulah kaja bakaja lai sanak oi
Bareh diganggam jadi padi ndeh sanak oi
Bareh diganggam jadi padi …

Ondeh … lah talambek bangkik jadinyo
Lah talambek bangkik jadinyo …

LIRIK LAGU MINANG PADANG SUMATERA BARAT

Nan indaruang ditangah padang yo andam oi
Ditutuah jatuah nan sadahan – 2x
Nan balinduang di kayu gadang yo andam oi
Tahinda paneh nan jo hujan – 2x

Andam oi andam, andam oi andam
Andam oi andam, oi andam oi …

Nan palambah pai mambidiak yo andam oi
Kanai lah anak katitiran – 2x
Payokumbuah sumarak naiak yo andam oi
Batuah kampuang jo hilaman – 2x

LIRIK LAGU MINANG PADANG SUMATERA BARAT

Anak urang si Kubang Putiah
Pai ka balai, hari sanjo
Mamakai baju guntiang cino, guntiang cino

Ulah rayu si daun siriah
Bacarai pinang jo tampuaknyo
Apo katenggang si carano, si carano

LIRIK LAGU MINANG PADANG SUMATERA BARAT

Ka parak tingga jalan babelok
Di parak tingga mambukak ladang
Nan pai hati tak elok
Nan tingga darah tak sanang

Ka parak tingga mambukak ladang
Kito karajo sampai lah sanjo
Kok dicubo nan bak urang
Nan buruak juo nan tasuo

LIRIK LAGU MINANG PADANG SUMATERA BARAT

Api padam puntuang hanyuik
Hari laruik sanjo …
Tibo masonyo kito bapisah samantaro
Tibo masonyo kito bapisah samantaro

Kok bisuak umua kito kok lai samo panjang
Batamu pulo kito bisuak di Ranah Minang
Batamu pulo kito bisuak di Ranah Minang

LIRIK LAGU MINANG PADANG SUMATERA BARAT

Angan di hati pulang ka kampuang
Manyuntiang adiak baok badayuang
Babiduak balaia ka pulau cinto
Bakasiah sayang bahu mambahu
Manyonsong badai

Tapi parasaian manyisiah angan
Dayuang den singkek biduak den oleang
Badai di lauik adiak tagamang
Sansai di rantau adiak juo
Ka sansaro

LIRIK LAGU MINANG PADANG SUMATERA BARAT

Sambilan bulan sapuluah hari
Manangguang ragam saba mananti
Manyabuang nyao basarah diri
Darah tatumpah manyiram bumi
Jolong tadanga rengek jo tangih
Barubek jariah sananglah hati

Anggak ka ameh babungkah-bungkah
Anggak ka perak indak tabilang
Kok hati mandeh nan dilukoi
Bumi manyumpah ‘Arasy baguncang
Alamaik iduik tak kan salasai
Bak cando kayu digiriak kumbang

LIRIK LAGU MINANG PADANG SUMATERA BARAT

Oi kok bacakak yo adiak abak jo amak
Piriang jo cambuang yo adiak elok diasak
Piriang kok tabang yo adiak cambuang kok tabang
Oi nan katandeh ka punah yo abak surang

Alun diliek yo adiak yo kadiliek
Galeh jo cambuang yo adiak malompek-lompek
Oi nan bak nantun yo adiak lakeh diambek
Galeh nan ciek nan senek kok pacah ampek

LIRIK LAGU MINANG PADANG SUMATERA BARAT

Bukiktinggi koto rang Agam yo andam oi
Mandaki janjang ampek puluah
Babelok jalan ka Malalak -2x

Sakik sagadang bijo bayam yo andam oi
Sakik bak raso ka mambunuah
Di ubek indak namuah cegak -2x

Andam oi andam, andam oi andam, oi andam oi
Andam oi andam, andam oi andam, oi andam oi

LIRIK LAGU MINANG PADANG SUMATERA BARAT

Garudo tabang ateh langik mak
Turunlah gajah patah gadiang
Manyasok lalu ka tapian
Tampak nan dari Bangkahulu

Iyo santiangnyo aka rangik mak
Manyasok darah dalam dagiang
Luko nan indak kanampakan
Alah padiah sajo mangko tahu

LIRIK LAGU MINANG PADANG SUMATERA BARAT

Cogok mancogok, mancogok lah diak
Dari jandela di baliak tirai
Lah lamo kito tak batamu pandang
Cogok kan lah diak muko nan janiah
Lah lamo kito tak batamu pandang
Cogok kan lah diak muko nan janiah

Rindu lah lamo nan den tangguangkan
Basuo usah co urang tak tahu
Denai kok tibo Uda jan bajalan
Tarumuak badan dek manantikan
Denai kok tibo Uda jan bajalan
Tarumuak badan dek manantikan

LIRIK LAGU MINANG PADANG SUMATERA BARAT

Iyo mandaki ka Gunuang Padang
Ondeh manurun nak manyubarang
Tuan nan surang tak kunjuang hilang
Iyo siang malam tabayang-bayang

Ditampi bareh ditampi
Ditampi badadak juo
Diganti alah diganti
Yo nan lamo takana juo

LIRIK LAGU MINANG PADANG SUMATERA BARAT

Sapucuak surek den kirim
Manjalang Uda nan surang
Batahun batuka musim
Lakehlah pulang

Sapucuak surek den kirim
Badawaik si aia mato
Co biduak manyonsong angin
Denai kini ko

LIRIK LAGU MINANG PADANG SUMATERA BARAT

Kambanglah bungo parauiktan
Bungo idaman gadih-gadih pingitan
Dipasuntiang siang malam
Bungo kanangan rumah nan gadang

Kambanglah bungo parauiktan
Simambang riang ditarikan
Di desa dusun Ranah Minang

LIRIK LAGU MINANG PADANG SUMATERA BARAT</h3 Bareh Solok tanak didandang Dipagatok ulam pario Bunyi kulek cando badendang Dek ditingkah (hmm) si samba lado Urang Sumpu jalan barampek Di Singkarak singgah dahulu Bareh baru makan jo pangek Indak nampak (hmm) mintuo lalu

LIRIK LAGU MINANG PADANG SUMATERA BARAT

Oi nan ka lauik lai pai mandi
Ondeh lah tuan oi nan pai mandi
Oi nan ka darek ondeh lah tuan oi mambaok ikan
Ondeh lah tuan oi mambaok ikan

Kok indak takuik denai ka mati
Ondeh lah tuan denai ka mati
Den balah hati ondeh lah tuan oi nan den kirimkan
Ondeh lah tuan oi nan den kirimkan

LIRIK LAGU MINANG PADANG SUMATERA BARAT

Uda kanduang dirantau urang
Pulanglah Uda di tanah Jao
Rindo lah lamo indak basuo, apo ka dayo
Lupo kok Uda jo diri denai
Sumpah jo janji maso sapayuang kito baduo

Ondeh Uda sibiran tulang
Lah tibo pulo kapa balabuah
Uda den nanti di Taluak Bayua
Ndak kunjuang tibo

LIRIK LAGU MINANG PADANG SUMATERA BARAT

Balari lari bukannyo kijang
Pandan tajamua di muaro
Kami manari basamo samo
Paubek hati dunsanak sadonyo

Ikolah indang oi Sungai Garinggiang
Kami tarikan basamo samo
Sambuiklah salam oi sambah mairiang
Pado dunsanak alek nan tibo

LIRIK LAGU MINANG PADANG SUMATERA BARAT

Hujan …
Jikoklah hujan hati den ibo
Takana maso kisah nan lamo
Maso sapayuang kito baduo

Hujan …
Mimpi den paneh manganduang hujan
Kironyo mimpi manjadi nyato
Kasiah tajalin putuih jadinyo

LIRIK LAGU MINANG PADANG SUMATERA BARAT

Rancak candonyo Ngarai Sianok
Di Panorama diliek patang
Liku baliku aia babelok
Tabiang nyo curam ndeh mambaok malang

Disiko denai mancubo kasiah
Ngarai Sianok jadi saksinyo
Jikok salah cinto den piliah
Tinggalah oh Ngarai Sianok

LIRIK LAGU MINANG PADANG SUMATERA BARAT

Tinggalah kampuang ranah Balingka
Gunuang Singgalang (ondeh) lai ka manjago
Oi mandeh kanduang tolong jo do’a
Antah pabilo (ondeh) kito basuo

Reff:

Takadia untuang kok lai ka mujua
Bilo masonyo kito basuo
Sadangnyo arek tali jo buhua
Bakarek rotan kini jadinyo

LIRIK LAGU MINANG PADANG SUMATERA BARAT

Takuik den uda …
Apo nan cik uniang takuikkan …

Reff:

Bungo cinto kok layua hati den cameh
Nan den harok ka manyiram uda surang
Sajak umua maningkek labiah tujuah baleh
Badan ndak lamak lah takuik lalok surang

LIRIK LAGU MINANG PADANG SUMATERA BARAT

Baju kuruang, ondeh ondeh lah si baju kuruang
Basalendang suto nan aluih ba maniak-maniak
Saruang babungo banang ameh tanunan lamo
Silopnyo baludu hijau nan babungo pulo

Baju kuruang, ondeh ondeh si baju kuruang -2x

Baju kuruang, ondeh ondeh lah si baju kuruang
Yo nan rancak baju kuruang urang Koto Gadang
Langannyo laweh badannyo disangajo lapang
Sangguanyo bulek licin bakonde bungo kambang

LIRIK LAGU MINANG PADANG SUMATERA BARAT

Bapisah bukannyo bacarai
Usahlah adiak manangih juo
Basaba sayang nantikan denai
Taguahkan malah iman di dado

Bapisah bukannyo bacarai …

Uda bajalan padamlah palito
Kasia nasib ka den kadukan
Kampuang den jauah da, sanak tiado
Denai jo sia Uda tinggakan

LIRIK LAGU MINANG PADANG SUMATERA BARAT

Babendi bendi …
Ka Sungai Tanang, amboi kanduang ei, ka Sungai Tanang …
Ka Sungai Tanang, amboi kanduang ei
Singgah lah mamatiak diak, singgah lah mamatiak kuntum lambayuang
Singgah lah mamatiak diak, singgah lah mamatiak kuntum lambayuang

Hati siapo …
Indak kan sanang, amboi kanduang ei, indak kan sanang …
Indak kan sanang, amboi kanduang ei
Maliek si upiak, maliek si upiak manari payuang
Ditimpo paneh baranti dulu diak, baok balinduang

LIRIK LAGU MINANG PADANG SUMATERA BARAT

Lai den cinto bungo tumbuah di laman
Sajak putiak kini lah kambang
Nak den raiah bungo ka pamenan
Denai pupuak jo kasiah sayang
Nak den raiah bungo ka pamenan
Denai pupuak jo kasiah sayang

Reff:

Tapi sayang, sayang apo ka dayo
Kini bungo bapaga tinggi
Lah den cubo jangkau tangan den luko
Dek dilingka kawek baduri

LIRIK LAGU MINANG PADANG SUMATERA BARAT

Ubekkan denai …
Sakiknyo putuih dalam bacinto
Ubekkan denai …
Sakiknyo putuih dalam bacinto

Carikan ubek tujuah ramuan
Sarato cincin nan balah rotan

LIRIK LAGU MINANG PADANG SUMATERA BARAT

Lapeh nan dari kelok Sikabu
Dilingkuang bukik jo gunuang Singgalang
Balingka jorongnyo tigo
Batu Tagak takana juo

Mandeh, basabalah Mandeh dahulu
Lai taragak denai nak pulang
Nak basuo ayah jo bundo
Tapi kini sadang sansaro

LIRIK LAGU MINANG PADANG SUMATERA BARAT

Den susun jari nan jo kapalo
Duduak basimpuah di kaki Mandeh
Indak den sangko kini jadinyo
Sasa kudian indak paguno
Ampun kan denai yo Mandeh …

Bukan denai malawan Mandeh
Den turuikkan hati jo mato
Sampai den lupo pituah Mandeh
Ampun kan denai yo Mandeh …

LIRIK LAGU MINANG PADANG SUMATERA BARAT

Indak kayu …, mak janjang dikapiang
Asakan dapek urang den cinto
Tolong tangkurak namonyo gasiang
Namuah disuruah jo disarayo

Gasiang batali jo kain kapan
Di patang kamih malam jumahaik
Gasiang tangkurak nan den nyanyikan
Putuihnyo gasiang putuih makripaik

LIRIK LAGU MINANG PADANG SUMATERA BARAT

Ondeh iyo, bugih lamo, mainkanlah bugih lamo tu
Ondeh iyo, bugih lamo, mainkanlah bugih lamo tu

Hitam bakilek kudo balang
Pasangan bendi bugih lamo
Urang maliek lai sanang
Konon kok pulo urang nan punyo
Urang maliek lai sanang
Konon kok pulo urang nan punyo

LIRIK LAGU MINANG PADANG SUMATERA BARAT

Oto banamo lah Sinar Riau
Baliak manambang (cu deyen) nan dari Pakan
Naiak palayangan (cu deyen) Danau Bingkuang
Taragak mandeh jo urang rantau
Ka pintu tangih yo tuan bakaluakan
Sabalah mandeh badan denai lai ka pulang

Ondeh dangalah Sinar Riau di pandakian
Rabab tolong sampaikan

LIRIK LAGU MINANG PADANG SUMATERA BARAT

Elo pukek yo lah rang eloan
Sandang pandayuang lah baok pulang
Kasiak angek pinggangnyo lah gantiang
Namun pukek nan dielo juo

Reff:

Balayia kolek lah jo pincalang
Kami mananti lah angin turun
Adiak ka sansai nan di galombang
Uda ka sansai di dalam alun

LIRIK LAGU MINANG PADANG SUMATERA BARAT

Cubadak badakak-dakak
Antimun batali-tali
Cubadak badakak-dakak
Antimun batali-tali

Cik Ajo pai malagak
Cik Uniang baibo hati
Cik Ajo pai malagak
Cik Uniang baibo hati

LIRIK LAGU MINANG PADANG SUMATERA BARAT

Malang bacinto bintang jo bulan
Kasiah digungguang dek matoari
Bia bacarai nyao jo badan
Putuihlah tali jantuang jo hati
Cinto ka uda den baok mati

Ka dalam tanah maik bakubua
Datang malaikaik yo nan batanyo
Apo kadayo yo nan takana
Kasiah ka uda nan indak sampai
Yo nan takana, kasiah ndak sampai

LIRIK LAGU MINANG PADANG SUMATERA BARAT

Tambilang tanti batanti – 2x
Satanti ambiak panaruko
Panaruko sawah di Kajai – 2x

Nan hilang dapek diganti – 2x
Diganti indak ka sarupo
Sarupo indak saparangai – 2x

LIRIK LAGU MINANG PADANG SUMATERA BARAT

Nak urang Tanjuang Barulak, barulak barulai pulo
Nak urang Tanjuang Barulak, barulak barulai pulo
Den etong sado nan masak, nan busuak tingga di ambo
Den etong lansek nan masak, nan busuak tingga di ambo

Iko tukuak, iko tambah, paragiahnyo perai sajo
Iko tukuak, iko tambah, paragiahnyo perai sajo

LIRIK LAGU MINANG PADANG SUMATERA BARAT

Mandaki jalan ka Payokumbuah
Baranti tantang Kelok Sambilan
Ondeh baranti tantang Kelok Sambilan

Dimalah badan indak ka rusuah
Sadang basayang Tuan bajalan
Ondeh sadang basayang Tuan bajalan

LIRIK LAGU MINANG PADANG SUMATERA BARAT

Simpang Ampek, Sukomananti …
Hilang kamano ka dicari …

Simpang Ampek, Sukomananti – 2x
Padang Tujuah jo Nago Pinagan – 2x
Ilalah tolong patenggangkan

LIRIK LAGU MINANG PADANG SUMATERA BARAT

Kampuang den jauah di mato
Gunuang sansai bakuliliang
Takana jo kawan-kawan den lamo
Sangkek basuliang-suliang

Panduduaknyo nan elok
Nan suko bagotong royong
Kok susah samo-samo diraso
Den takana jo kampuang

LIRIK LAGU MINANG PADANG SUMATERA BARAT

Anak Sipasan dalam rimbo
Mati di golek-golek batang
Nan bapasan kami nan tido
Ratok tangih manyuruah pulang
Ondeh ondeh iyo…
Manyuruah pulang ondeh tuan ei…

Pilin bapilin tali rantai
Ka tali sampan di muaro
Kirim bakirim indak sampai
Hati lah mabuak kaduonyo
Ondeh ondeh iyo…
Hati lah mabuak yo kaduonyo

LIRIK LAGU MINANG PADANG SUMATERA BARAT

Dayuang dayuang – 2x
Dayuang sampan didayuang – 2x
Didayuang anak Palinggam, Palinggam, anak Palinggam
Didayuang anak Palinggam, Palinggam, anak Palinggam

Elok-elok manyubarang
Jan sampai titian patah
Elok-elok di rantau urang
Jan sampai babuek salah

LIRIK LAGU MINANG PADANG SUMATERA BARAT

Urang Talu …, urang Talu …
Den takana …, urang Talu …

Rami lah rami rang pasa Talu
Rami dek anak si urang Kajai
Dimalah hati indak ka rindu
Sadang lah sayang badan bacarai

Urang Talu …, urang Talu …
Oi den takana …, urang Talu …

LIRIK LAGU MINANG PADANG SUMATERA BARAT

Anak Salido, anak Salido ka parantauan
Pandan dibaok pandan dibaok ka dipadagangkan
Dunsanak tido ondeh Tuan manga bajalan
Kasia badan, kasia badan ka ditompangkan

Sungai Tanang, Sungai Tanang tapian mandi
Nak Bukiktinggi, nak Bukiktinggi mandi bakawan
Kasiah sayang bakeh tuan tatuntuang abih
Manga kok kini, manga kok kini tuan rangguikkan

LIRIK LAGU MINANG PADANG SUMATERA BARAT

Malam-malam baiko yo mamak
Malam-malam bainai yo sayang
Malam-malam baiko yo mamak
Malam-malam bainai yo sayang
Anak daro yo mamak, jo marapulai – 2x

Malam-malam kaduo yo mamak
Manatiang-natiang piriang yo sayang
Malam-malam kaduo yo mamak
Manatiang-natiang piriang yo sayang
Sambanyo lamak yo mamak, si gulai kambiang – 2x

LIRIK LAGU MINANG PADANG SUMATERA BARAT

Hari raba’a pukua satu – 2x
Urang manembak si buruang nuri
Kanai sikikik nan sadang tabang
Jatuah badarai si bungo lado

Lai sarawa ndak babaju – 2x
Jo a den tampuah galanggang rami
Mangko den duduak balangang-langang
Jatuah badarai si aia mato

LIRIK LAGU MINANG PADANG SUMATERA BARAT

Luruihlah jalan Payakumbuah
Babelok jalan Kayu Jati
Dima hati indak kan rusuah
Ayam den lapeh, ohoi … ayam den lapeh

Mandaki jalan Pandaisikek
Manurun jalan ka Biaro
Di ma hati indak maupek
Awak takicuah, ohoi … ayam den lapeh