Rabab Piaman

LIRIK LAGU MINANG PADANG SUMATERA BARAT

O risaulai …
Aia Bangih kapa balayia
Balayia taruih ka Tiagan
Sarek muatan buah palo
Adiak nan manih cubolah pikia
Sudah baiyo baindakkan (ndeh …)
Tangguanglah doso salamonyo (gajai …)

Hei …, gajai … tangguanglah doso salamonyo …

Dari lah Bunguih ka Batang Kapeh
Taruihlah jalan ka Pasa Kambang, o ka Pasa Kambang
Kaia lah putuih ikan lah lapeh
Ikan lah masuak ka pukek urang, o ka pukek urang

Oi risaulai …
Ujuang Gadiang jambatan gantuang
Kawek tarantang ka subarang
Tukang lah anak Panyinggahan
Raso ka putuih hati nan jo jantuang
Di dalam tangan diambiak urang (ei …)
Baitu bana parasaian (gajai …)

Hei …, gajai … baitu bana parasaian (sansai …)

Jalan babelok ka Aia Manih
Jalan manyisik di tapi pantai, o di tapi pantai
Jago lah lalok hati manangih
Sabana sakik kasiah tak sampai, o kasiah tak sampai

Taluak lah Bayua labuahan kapa
Ulando turun yo jo sikoci, iyo jo sikoci
Bungo lah layua kabun lah tingga
Kamano kumbang ka hinggok lai, hoi ka inggok lai