Gadih Minang

LIRIK LAGU MINANG PADANG SUMATERA BARAT

Hari pagi …, hari pagi murai lah bakicau
Tasintak badan bagai rang maimbau
Maambiak aia, ambiak aia ka halaman surau
Karajo gadih nan di Minangkabau

Iyo iyo rang mudo yo iyo
Iyo iyo rang mudo yo iyo

Elok-elok manitih kawek diak
Jan tatitih jo bungo lado
Elok-elok maminum ubek diak
Salah taminum taracun pulo

Rumah Gadang, Rumah Gadang nan sambilan ruang
Rangkiang balirik nan di halamannyo
Ondeh upiak, ondeh upiak nan jolong gadang
Ingek manjago adaik jo limbago

Iyo iyo rang mudo yo iyo
Iyo iyo rang mudo yo iyo
Iyo iyo rang mudo yo iyo …