Pandeka Tengkak

LIRIK LAGU MINANG PADANG SUMATERA BARAT

Dangalah pulo kawan-kawan
Carito nangko elok-elok
Ado pandeka dahulunyo
Pandeka tengkak nan batungkek

Uli Gadolo namo cakonyo
Tengkak maso jadi parewa
Kini pandeka usah disabuik
Ganggang sapadi mambunuah juo

Dongkak pamulo rabah batigo
Tungkek Gadolo manyemba-nyemba
Lah banyak lari ka dalam rimbo
Uli Gadolo taruih mangaja

Hari Salasa sadang balai
Tajadi heboh yo di pakan
Maliang jo rampok ka manyamun
Urang manggaleh bapakiak-an

Pakiak bajadi kalebuik ampok
Canang babunyi disauik tontong
Ladiang jo rembeh kilek bakilek
Untuang Gadolo capek tibonyo

Dongkak pamulo rabah batigo
Tungkek Gadolo manyemba-nyemba
Lah banyak lari ka dalam rimbo
Uli Gadolo taruih mangaja

Rampok lah lari tunggang langgang
Ado nan tangga sarawanyo
Kapalo rampok lah tajongkang
Anak buahnyo lah mahilang

Tungkek di suok di kida sakin
Mambuek rampok indak badayo
Kini Gadolo lah duduak pulo
Sambia mangguluang daun nipahnyo