Indang Indopuro

LIRIK LAGU MINANG PADANG SUMATERA BARAT

Sungai Panuah jo Nagari Lintau
Tapek anak dagang yo nan dari Indopuro – 2x
Jikok buyuang nak pai marantau
Bundo nan di kampuang, dilupo usah dilupo – 2x

Manurun jalan nak ka Kurinci
Pasa lah Baringin nan sudah yo baru sudah – 2x
Kok di rantau jan lah lupo diri
Lauik nyo nan sati oi buyuang rantau batuah – 2x

Dari Padang yo nak ka Tarusan
Tatampuah lah Bunguih sarato jo Taluak Kabuang – 2x
Hati gadang jan dipaturuikkan
Ingeklah ka badan nan sadang mambaok untuang – 2x

Rumah Gadang nan di Pakan Akaik
Badindiang lah papan, rangkiang ado di mukonyo – 2x
Jikok buyuang nio lah salamaik
Usahlah lupokan oi buyuang jo pasan bundo – 2x