Indang Sirambang

LIRIK LAGU MINANG PADANG SUMATERA BARAT

Sirambang Ilia yo kanduang jalan mandaki
Ka kida jalan lai kanduang ka kampuang ambo
Kok pulang sanak oi kanduang caliaklah kami
Lah lamo badan oi kanduang indak basuo – 2x

Lah lamo bana rapa’i indak basidak
Tak nyariang lai yo kanduang bunyi di tangan
Lah lamo bana o badan yo dek taragak
Pabilo sanak oi kanduang pulang bajalan – 2x

Manurun jalan oi kanduang ka Pasia Putiah
Taruihkan jalan babelok ka Lapau Baruah
Lah putiah mato oi kanduang nan dek mancaliak
Urang dirindu yo kini di rantau jauah – 2x

Sirambang Ateh yo kanduang urang baralek
Urang nan datang basamo dari Pakotan
Rindu di hati yo kanduang mangko taubek
Jikok batamu yo sanak nan dinantikan – 2x