Den Japuik Juo

LIRIK LAGU MINANG PADANG SUMATERA BARAT

Daripado lapuak taindik dalam guluang
Elok dipakai, dipakai jadi salendang
Jikok lah sulik oi iduik tingga di kampuang, hei …
Bialah untuang dibaok ka rantau urang

Alah kok kini uda pikia-pikia bana
Tinggakan kampuang yo kampuang nan jo nagari
Indak kok ibo yo uda denai ka tingga
Bilo masonyo yo uda ka pulang lai

Santano denai barangkek ka rantau urang
Kampuang halaman diak kanduang indak den lupo
Manuntuik ilmu, manukuak sado nan kurang, hei …
Buliah nak sanang oi kito di hari tuo

Kok kareh bana uda nak pai bajalan
Bialah denai malapeh jo ibo hati
Usahlah lupo uda jo kampuang halaman
Kaba barito yo uda kirimlah kami

Indak lah guno diak kanduang bimbang jo ragu
Tabahkan hati kuaikkan iman di dado
Asa lai saba oi adiak saba manunggu, hoi …
Tibo masonyo oi adiak den japuik juo

Jikok baitu sanang lah raso jo hati
Rela lah denai kini ko malapehkannyo
Untuang tabukak yo uda pintu rasaki
Baoklah denai yo uda ka Tanah Jao