Jaso Lah Hilang

LIRIK LAGU MINANG PADANG SUMATERA BARAT

Patuik lah ayam bahati pilu
Samulo indak tapikiri
Alah manateh mangko nyo tau
Talua itiak oi nan taarami …

Itiak lah pai masuak aia
Dihimbau indak basahuti
Parau suaro yo dek mamanggia
Itiak nan indak acuah lai …

Koteknyo ayam lah kalang kabuik
Kian nyo tabang kamari tabang
Anak dihimbau indak manyauik
Indak lah namuah dibaok pulang …

Sayang nyo ayam baitu juo
Iyo dek itiak jaso lah hilang
Tabuang sajo guno nan lamo
Sabab lah tibo yo di nan sanang

Dirameh hati dikaluahkan
Yo bak barabah baranak bakiak
Lah tabang mangko yo kaliektan
Sayok balain timba baliak

Alah batuka siang jo malam
Abih sagalo guno nan baiak
Alah hilang ei si jaso ayam
Sajak lah laweh tapaknyo itiak